اشتراك في
المشاركات
تعليقات
*تلبيـــــة لطلباتكـــــم موديــــل بأحجــــار الستــــــراس *
4:10 م | 
مرسلة بواسطة
Mice My Smile 34
"
"
صبــــاحكم ومســــاءكم ورد ومــــاس بنــــات
بــــلادي
بــــلادي
كيـــف و ويــــن ما كنتــــــوا
مشرفيـــــــن ومنوريـــــن الصفحـــــة
مرحبـــــا بيكــــم من جديد فــــي بلــــوغ الخياطــــة الجزائريــــة
تلبيـــة لطلباتكـــم اخواتـــي الفضليـــات
رانـــي جبتلكــــم موديـــل جديـــد بأحجار الستـــراس لــي راه دارج عندنــــا بالشــــرق الجزائـــري لهدا الموسم
نبـــــدا بهــــذا الموديـــــل ..
استعملت فيه "3متر" قماش ابيض مورد بالأزرق كيما راكم تشوفوا
التفصيل كان بقسمين منفصلين يعني الصدر فصلتو لوحدو و البدن لوحدو
الصدر بفتحة V , اما الطبقة الوسطى المرصعة بأحجار الستراس العريضة
ففصلتها لوحدها ايضا يختلف طولها وعرضها حسب la taille تاع مولاتها والذرعين قصار كيما راهم يبانو بالآستيك العادي " 2سم"
اما البدن فصلتو بطريقة الزاوية بعد ما طويت القماش على اربعة
لأتحصل في الاخير علىبدن مخصر من فوق وعريض جدا من تحت
عني تحصلت على شكل حرف A
بعد ما كملت خياطتها جبت احجار الستراس بالازرق والأبيض
من نفس لون القماش ولي راهم ع الموضة لهدا العام ومتوفرين
في كل محلات لوازم الخياطة بالوان واشكال مختلفة
وتبعت بيهم فتحة الصدر والخصر كيما راه يبان
ومن تحت كفيتها بطريقة السورجي يعني بدون ثني القماش
وخرجت واااااااااو رووووووووووعه في اللبس حاجة ماشاء الله
وهدا ثــاني موديــل لمحبــات الكم النصف طويــل ايضا موديــل باهي وســــامبل
استعملت فيه 2.5 متر من قماش ازرق نيلي برسوم خفيفة بسيطة
الجلابة عبارة عن قطعة واحدة (الصدر والبدن مع بعضهم وليسا منفصلين "
مع سفيفة من نفس لون القماش والذهبي (راه يبان فضي في الصورة)
تبعت بيها محيط الرقبة على دورين متوازيين ومحيط الصدر ايضا
كما هو موضح في الصورة نفس الشي بالنسبة للكمين
فتحتهما بعمق (15سم) في الأمام حتى المرفق وتبعتهم بالسفيفة
يضا بدورين متوازيين .اما من تحت فعادي كل وحدة كيفاه تحب ديرها
النسبة ليا فصلتها على شكل V يعني طويلة من الامام والخلف
قصيرة من الجانبين ايضا كفيتها بطريقة السورجي وتبعت بدورين
من السفيفة ببعد شبر او 20 سم من على حافة الكف...
في الاخير جبت احجار الستراس باللونين الذهبي والازرق القاتم
بالشكلين المربع والبيضوي و ركبتهم بين حافتي السفيفة تاعي
في كامل الجلابة (بين دوري السفيفة )
وخرجت في الاخير كيف ماراهي تبان في الصورة
طبعا في اللبس خيييييييييييير وابهى نتمنى تعجبكم تاني
ولي عندها اي استفسار اوطلب ما تترددش اهلا وسهلا بيها وباقتراحها ايضا .
طبعا الدعاء للمشرفة " إينــــــــاس" بالنجاح في دراستها صار واجبكم نتمنى
ديما تدعولها وتدعولي معاها وربي يوفقنا جميعا لما يحبه ويرضاه
إلى اللقاء اخواتي , في عرض جديد ولكم مني الف تحية وسلام
والسلام مسك الختام..
يشرفنا أن ندعوكن للتسجيل والمشاركة في منتديات المرأة الجزائرية
التسميات:
تعليم الخياطة
الاشتراك في:
تعليقات الرسالة (Atom)
19 التعليقات:
رائع جدا بارك الله فيك نريد منك الجديد في قتادر القطيفة محتاجينه سريعا بارك الله فيك
شكرا اختي الفاضلة اسعدني جدا مرورك .. الله يبارك فيك اختي هداك واش توفر عندي كان بودي اكثر من موديل ان شاء الله قريبا لأنو الستراس راهم دايرين بيها حالة .. وبكل سرور اختي soufdzcom
تلبية لطلبكي المستعجل راني جبتلك لي موديل 2010 تاع جلابة القطيفة .. نتمنى ترضيك وان شاء الله في المرات الجاية راح تلقاي اجدد منها هنايا فقط ابقي وفيةو
دمتي بخير اختي الفاضلة ...
مشكورة صديقة العزيزة 3لى هذا الابداع واصلي تألقكي حفظك الله...................شكرا
على الرحب والسعه ولد بلادي شكرا جزيلا لك تعليقك اسعدني جدا بارك الله فيك اخي الفاضل .. مشكوووووور
جزيل الشكر حبيبتي على هاذا الإبداع ننتضر منكي كل جديد
ان شاء الله اختي الفاضلة شكرا لمرورك العطر اكيد الجديد عن قريب جدا دمتي وفية..
يعطيك الصحة على كل هذا التميز دائما تتحفينا ببريق ابداعك ..سلمت وسلمت يديك.
اهـــــلا وسهــــلا
نورتي حبيبــتي "اشــــراقــة" والله انتي لي ديما تشرفي وتنوري كل صفحات المدونة بتعليقاتك المشجعة والي كلها صدق الدال على وفائك و تتبعك لمواضيعنا,دمتي وفية و
ربي يخليــــك ويعيطك ما تتمناي يا لعزيـــــزة ..
يعطيك الصحة على هذي الابداعات جميلة جدا جدا ونشكرك بزاف على تلبية طلبي جازاكي الله خيراعندي طلب ثاني هو لو ممكن تعرضيلنا موديل الوهراني ان امكن في اقرب فرصة لانو محتاجاتو بالخف وشكرا جزيلا ليك مقدما...ام فريد
ملاح ياسر ياسر مي كون دجيبولنا مودالات تاع قالمة والله والله يهبلوا بزاف
السلام عليكم
غالية من الشرق الجزائري
يعطيك الصحة اختي عل هذا الابداع ونتمنى ان تتحفينا بموديلات من مدينة قالمة
يعطيك الصحة اختي وان شاء الله تنزلي لينا قنادر قطيفة بالكروشي
السلام عليكم ورحمة الله تعالى
الله يحفض ها الدين أنا ايضا من الشرق الجزائري أود لو أجد قنادر قطيفة دات تصميمات عادية و شكرا مسبقا.
سلام عليكم اني شاهدت مدلان فقط كيف يمكنني انواع مختلفة اعتقد ان هدا غيركافي
يعطيك الصحة و ربي يعينك
مراحب بكل من مر وعطر هذه الصفحة
أشكركن أخواتي الفضليات على مروركن وردودكن قد عدتكن من قبل أن أعرض كل ما هو جديد فيما يخص *التحفة الجزائرية*من فنون الجلابة الأكثر من رائعة والمذهلة خصوصا لهدا الموسم 2011 رواااااااائع وإبداعات وطنية أكيدة أنها ستنال إعجابكن ورضاكن
***********************************************
قبل نشر الجديد لهذا الموسم :ارجو من كل من مر على هذا التعليق الـــــدعـــاء للأخت الفاضلة والغالية جدا جدا/ إينــــــاس / بالنجاااااااااااح والتوفييييييق في دراستها ولكل بنات المسلمين بالستر والثبات والطاعة يارب آمين*******************************************
merci beaucoup pour le partage que dieu te récompencera inchaallaah fi eldjenna
هدي القنادر ما يشبه الوالو روحي شوفي le vrai مودال
andk lhk okhti hado maychbho lwalo ana daoki bzaf rafi3 manrdach bli ja fi kol chi salam hada nakd banna
إرسال تعليق