اشتركي في قائمتنا

أرشيف المدونة

إذا أردت مراسلتنا للإستفسار أو إرسال صور ومقالات فهذا إيميلنا : dzkhiata@gmail.com

اليكــــــــــم جديـــــــدي لصيـــــف 2010 *** مشاركة تنتظر منكم التشجيـــــع***

" "


السلام عليكم ورحمة الله وبركاته

مرحبا بيكم بنات بلادي صحة رمضانكم وصحة عيدكم 
ان شاء الله كل عام وبلادنا  -- جزائرنا -- ووليداتها بالف خير وخير يارب 



اجمل بوكي ورود لأغلى بنات بلاد في الوجود 

من جديد انضممت لهذا لبلوغ وحبيت نعتلكم بعض من موديلات الخياطة (الجلابة )

 نتمنى تنال اعجابكم   

وربي يوفقنا وإياكم  جميعا ان شاء الله لما فيه الخير والمنفعة العامة


قبل أن أبدا تحية حب وتقدير وعرفان للغالية المشرفة" إنــــــــــــــــاس " 

الي ليها كل الفضل على تواجدي بيناتكم

فارجو منكن اخواتي  الدعاء لها بالنجــــــــاح والتوفيــــــــق في شهادة البكالوريا


وفي كل حيــــــــــــــــــــــــــاتها ان شاء الله 





بسم الله

اول شي نبدا بهذه الموديل








هو موديل ديكولتي قماشو من الصاتان الحرة الثقيلة  بلون 

بني ( maron chocolatاستعمل فيه 2.5م 

والطرز كان بالمكينة باستعمال الخيط الذهبي  الرشم يكون بواسطة الكالك

والفيراسودي كاين لي يسميه الكاوي 

وهو نفسه الي نستعملوه في رشم الرسومات على قماش القطيفة والدا وموديلات 

la peinture

هو موديل روووعه غير يبان هكا في اللبس حاجة اخرى تماما يعني 


*
*
*
*
*
* كاين الموديل هذا تاني بااااااااااااااااااااااااااااااااااااااااهي بزاااااااااف




تقريبا نفس نوع الساتان تاع الموديل الأول ولكن هذا أمتن

 بلون روج بريك 


استعمل فيه 2.5 متر من القماش

والطرز كيما راه يبان بالمكينة والحرير اللون الباج والوردي ما بانش مليح هو نفس

 اللون مع البيي لي في حواف الذرعين 

غير ما خرجش


وتاع الصح حاجة روعه يا لبنات نتمنى تاني تخيطو عليه وتدعولي ان شاء الله 


وكاين هذا الموديل تاني 
*
*
*
*
*



عبارة عن موديل صيفي ديكولتي باهي تاني

القماش من نوع  أني ENU simple بلون ارجواني غامق 

راه يبان بنفسجي في الصورة 

استعمل فيه تاني السفيفة الرقيقة عادة تلقاوها في لي موديل kabyles 

تقدرو تركزو مليح في الصورة وراح تعرفوها يعني

سفيفة ديقرادي بلونين الأبيض والأرجواني بعد

*
*
*
*
*
*
*



هذا الموديل ماعندي مانقول فيه انا نشتي نلبسو في الصيف لأنو رهيف وبارد 

موديل simple فتحة الرقبة دائرية عادي بنفس العمق من الأمام والخلف

الأكمام  طويلة مثلثة كيما راهي تبان  تلتقي مع القسم العلوي مكونة جزء الصدر 

استعمل من القماش 3 م لأنو طريقة التفصيل تكون من الزاوية وليس من الرأس 

حتى الأكمام تاني بنفس طريقة تفصيل البدن 

روعة كي يتلبس .




*
*
*
*
*

* ومحبات الرسم على الحرير la peinture

كاين هذا الموديل simple مرة





2.5 م من الصاتان الحرة الخفيفة هذا النوع نادر جدا


باللون Move Foncé

استعمل فيه  ديسان عشوائي+

قارورة صبغة بلون وردي واخرى بنفسجي هي غير كيما راهي تبان في الصورة

في الواقع احلى 

ماشي كيما راهي تبان كامل

*
*
*
*
*
*

وهذا كأول عرض ليا هنايا وان شاء الله الجاي اكتر 

اهم شي يا لبنات 
التشجيــــــــــــــــــــــــــــــــــــع 
والتعليق يهمني اكثر مدابيكم  
ولي عندها اي استفسار ان شاء الله نجاوبها 

ولا تنسوا الأخت الفاضلة " إنـــــــــــــــــــــاس "من خالص دعاكم 









وهذا شرح بسيط لطريقة تفصيل الفستان الأخير حسب طلب الفاضلة "أم فريد"
على اليمين البدن طويل من الأمام وقصير من الجهتين , وعلى اليسار فردة للذراع كيما راه يبان 
يجي طويل ضيق في جهة الكتف ومفتوح نزولا منه(من الكتف يعني )
 بحوالي 10 سم حتى نهايته ودائما التكفاف بطريقة السورجي كيف باقي لبدن

والتفصيل تاعو يكون من زاوية القماش كيف ماراه يبان في الصورة 



ماحبيتش ندير حتى ارقام عليه لأنو القياسات تختلف 
من سيدة لأخرى والموديل مايكونش محدد لتفاصيل الجسم
يعني يكون فضفاض مهما كان قياس صاحبته كبير
 ولكن للي حبت المقياس بالضبط
 (يعني لــ taille معينة)
 راح نساعدها ان شاء الله ..
 ويبقى الشرط الوحيد لتفصيله هو 3 متر من القماش المماثل










يشرفنا أن ندعوكن للتسجيل والمشاركة في منتديات المرأة الجزائرية

20 التعليقات:

الخياطة الجزائرية يقول...

يعطيك الصحة الأخت حيزية
هذا ابداع ولا خلي
غلبتيني ختي
موضوع متقن صح

Mice My Smile 34 يقول...

الله يسلمك اختي
فرحتيني وشرفتيني بتعليقك
هههههههه والله والو شريكتي البركة فيك هدا وين قلنا بسم الله ...ان شاء الله الجاي احسن واتقن..
جزاكي الله كل خير لعزيزة ..

خديجة يقول...

الله يبارك
خياطة هايلة

Mice My Smile 34 يقول...

اهلا بيك اختي "خـــديجـــة"
نورتي الصفحةوالله يبارك في عمرك.. شرفني تقييمك
والأحسن قريبا.. ان شاء الله ..

غير معرف يقول...

يعطيك الصحة اختي خياطاتك روووووووووووووعة و متقنة جدا عجبوني بزاف نتمنى لك التوفيق و النجاح اختك في الله ام فريد

Unknown يقول...

الله يبارك هكذا الخدمة ولا خلي ،،

ما شاء الله عليك خدمتك دقيقة ومتقنة روعة

بصح راها مفاجأة تاع الصح نتمنى المرة القادمة

تتحفينا بأعمال أخرى في الرسم على الحرير نحبوا بزاف

دخلت تعلمت مبادئه كيما كان في عمري 10 سنوات كنت

نحب الرسم بزاف،،

وأخيرا،، ربي يبارك فيك انتي والأخت ايناس ويرزقكما

الفردوس على مجهوداتكما الطيبة

Mice My Smile 34 يقول...

اهلاااااااا

********** " أم فريـــــد" **********
*************************************

نورتي الصفحة أختي الفاضلة
والله مشكوووورة جدااااا على تعليقك حفزتيني اكثر.. ان شاء الله عن قريب راح تشوفوا الأجدد..
بارك الله فيكي وربي يحفضلك ويكبر فريد في طاعة ربي وطاعتك ان شاء الله ...

Mice My Smile 34 يقول...

اهلاااااااا
وسهلااااااا

*************"إشراقة ***************
************************************


اهلا بيك اختي الفاضلة
الله يبارك في عمرك ان شاء الله
والله رأيك وتعليقك الأروع زادني تحفيز و طموح اكثر كانت هادي اول مشاركة ليا هنايا و ان شاء الله الجايات اجمل ..
ختي راني هنايا لعندك اي استفسار حول الرسم على الحرير انا تاني كنت ومازاالني نموووووت ع الرسم .
بصح الله غالب ما عنديش الوقت بزاف باه نبدع في هذا المجال وحتى الخياطة بصفة عامة..

بارك الله فيكي اختي و جزاكي الله الجنة ان شاء الله اانتي والأخت الفاضلة ام فريد والغالية *إنـــــــــاس *
لي نطلب منكم جمييييييييييييييعا تدعولها وتزيدو بالنجاح والتوفيق في دراستها وفي كل حياتها يارب والداعيات آميـــــــن... مشكوووووورة..

غير معرف يقول...

والله روعة اختى العزيزة ..من فضلك و ارجوكى لو توريلنا طريقة تفصيل الفستان الرهيف انتاع الصيف 3 متر كتان المورد .....اختك ام سيف

Mice My Smile 34 يقول...

بكل سروراختي الفاضلة
***********************
أم سيـــف
***********************
اولا شكرا جزيلا ليك ع المرور العطر نورتي الصفحة اختي الكريمة ...
وراح نحط الباترون لي طلبتيه وانا في الخدمة أي سؤال او استفسار منك او من باقي بنات بلادي..1000 مرحبا...

وكاين الجديد لي وعدت بيه ان شاء الله ليامات الجايين تلقوه هنا ...

غير معرف يقول...

السلام عليكم
غاليةمن الشرق:
بارك الله في مجهودكم ويعطيك الصحة اختي على هذا الابداع الفساتين كلهم روعة وننتظر جديدك بشوق

غير معرف يقول...

بارك الله فيك على المجهودات المبذوله اختي لو كان تعلمينا التفصيل تكوني مشكووووووووووورة

غير معرف يقول...

نشكرك بزاااااف اختي على الرد الرائع ربي يحفظك و يزيدك غي علمه يا رب الى الامام دائما و انتظر منك جديد صيف 2011 لانه لازم من درك نبدو نوجدوا في الخياطة
الف سلام حبيبتي اختك ام فريد

غير معرف يقول...

ملاح بزااف

غير معرف يقول...

موديلات شابين بزاف خاصة الصيفي لي بالورد الله يعطيك الصحة.
أختك في الله زهرة من وهران

Mice My Smile 34 يقول...

مراحب بالغالية ****** ام فريـــــــد*****
سلام خاص ليك اختي لعزيزة شكرا لوفاءك للمدونة وشكرا لدعاءك ربي يجازيك عليه كل خير ان شاء الله ..

غير تهلاينا في فريــــــــد الصغيــــــر وبثي فيه من روحك الطاهرة وحلاوة كلامك وربيه على قيمك الي رباوك عليها انتي وهي رحمـــــة ربي اختي..-------------------------------

أكيد عزيزتي غيابنا عليكم ماضاعش الفايدة كاينة الجديد لي وعدناكم بيه ولي طلبتوه وراكم تسناو فيه راهو حــــــاضر في هاد اليومين بإذن الله رايح يكون بين يديكم ردودكم دائما تسعدنا ودعواتكم لينا ترضي علينا وتوفقنا ربي يقضي حاجة كل محتاج ان شاء الله واحلى سلام لأحلى بنات بلاد وين ماكانو..--------------------------
----دمتن وفيات يا حراير بلادي -----

Mice My Smile 34 يقول...

مراحب بالغالية " زهـــرة" الوهرانية

نورتي حبيبتي وشرفتي الصفحة ذوقك مميز وردك محفز شكراااا على مروورك وردك , دمتي وفية للمدونة اختي ..

غير معرف يقول...

ما عندي ما نقول في هذو القنادر تاع الصيف

غير معرف يقول...

يعطيك الصحا على المجهود ديالك ♥♥♥ بارك الله فيك يا قمر ...وربي يخليكي ديما مبدعه

غير معرف يقول...

يعطيك الصحا

إرسال تعليق

المتابعون

ما هو تقييمك للمدونة ؟